Etholwyd Dafydd Llywelyn am ail dymor i swydd Comisiynydd Heddlu a Throseddu Dyfed-Powys yn ystod etholiadau Mai 2021.
Mae Dafydd yn gyn-Brif Dadansoddydd Cudd-wybodaeth, a bu’n gweithio yn adran gudd-wybodaeth yr heddlu am flynyddoedd lawer cyn symud i Brifysgol Aberystwyth yn 2014 er mwyn darlithio mewn Troseddeg. Mae ei yrfa wedi rhoi cryn fewnwelediad iddo i faterion plismona craidd, yn ogystal â dealltwriaeth o’r hyn y mae’r cyhoedd eisiau o’r gwasanaeth.
Yn ogystal â’i rôl fel Comisiynydd, mae Dafydd yn Gadeirydd Plismona yng Nghymru, ac mae’n chwarae rhan weithredol mewn Grwpiau amrywiol eraill, gan gynnwys:
- Gwasanaethau Digidol yr Heddlu
- Bwrdd Cyfiawnder Troseddol Cymru Gyfan
- Un Bwrdd Adolygu Diogelu Unedig gyda
- Llywodraeth Cymru, Swyddog Cyfrifol Sengl Cymru.
- Bwrdd Plismona Cymru
- Bwrdd Gwasanaeth Awyr Cenedlaethol yr Heddlu
- Bwrdd Rhaglen Cymunedau Diogelach
- Rhwydwaith Troseddau Gwledig Cenedlaethol - ar y Bwrdd Gweithredol
- Cyd-Gadeirydd Bwrdd Partneriaeth Cenedlaethol VAWDASV ochr yn ochr â'r Gweinidog dros Gyfiawnder Cymdeithasol Jane Hutt AS
- Cadeirydd Rhwydwaith Arloesi a Gwella Dadansoddi Data Cymru (WDAIIN)
- Cadeirydd Bwrdd Cyfiawnder Troseddol Lleol Dyfed Powys
Fy ngweledigaeth gyffredinol ar gyfer 2021-25 yw cadw cymunedau Canolbarth a Gorllewin Cymru yn ddiogel, gan gynnal ymddiriedaeth a hyder ar system cyfiawnder troseddol yn ei chyfanrwydd. Darlien mwy yma.
Mae Dafydd yn siaradwr Cymraeg rhugl, yn ddyn teulu gyda 5 o blant, ac mae’n mwynhau pob math o chwaraeon, ond mae ganddo ddiddordeb arbennig mewn dilyn tîm pêl droed Cymru adref a thramor.
Y cyflog ar gyfer Comisiynydd a Throseddu Dyfed-Powys yw £68,200 y flwyddyn. Gosodir y cyflog hwn yn genedlaethol gan yr Ysgrifennydd Cartref ar argymhellion y Corff Adolygu Uwch Gyflogau.
