Rydym yn chwilio am bobl dalentog a brwdfrydig i ymuno gyda swyddfa Comisiynydd Heddlu a Throsedd Dyfed-Powys
Yma gallwch ddarganfod popeth sydd angen i chi ei wybod am ein cyfleoedd gyrfa presennol yn y swyddfa.
Cynlluniau Gwirfoddoli
Ymwelwyr Annibynol a'r Ddalfa - Mae’r gwirfoddolwyr hyn yn ymweld â dalfeydd er mwyn gwirio ar les carcharorion a sicrhau y cynhelir eu hawliau. Maen nhw’n ymweld â gorsaf heddlu leol mewn parau, yn ddirybudd, ar unrhyw adeg o'r dydd neu'r nos; ac maen nhw'n darparu gwiriad annibynnol ar les carcharorion, a'u hamodau. I ddarganfod mwy cliciwch yma.
Ymwelwyr Lleyg Er Lles Anifeiliaid - Mae lles cŵn yr heddlu’n flaenoriaeth uchel; rhaid i’r ffordd maen nhw’n cael eu trin fod yn effeithiol, dyngarol, moesegol a thryloyw. Mae gwirfoddolwyr ar gyfer fy Nghynllun Lles Anifeiliaid yn edrych ar amodau cŵn Dyfed-Powys. Mae pob un o drinwyr cŵn yr heddlu’n derbyn ymweliad gan wirfoddolwr o leiaf unwaith y flwyddyn. I ddarganfod mwy cliciwch yma.
Panel Sicrhau Ansawdd - Sefydlwyd y Panel Sicrhau Ansawdd er mwyn craffu ar ansawdd cyswllt yr Heddlu â’r cyhoedd, mewn modd tryloyw ac annibynnol, ar ran y cymunedau o fewn ardal Dyfed-Powys. I ddarganfod mwy cliciwch yma.
