Cymhorthfa Gymunedol Hwlffordd: Rhannwch Eich Barn gyda Dafydd Llywelyn, Comisiynydd yr Heddlu a Throseddu
Gwahoddir preswylwyr yn ardal Hwlffordd i gwrdd â Dafydd Llywelyn, Comisiynydd yr Heddlu (CHTh), a chynrychiolwyr o Swyddfa Comisiynydd yr Heddlu a Throseddu (SCHTh), mewn Cymhorthfa Gymunedol nos Fawrth 10 Mehefin 2025.
Cynhelir y gymhorthfa yn HaverHub, Hwlffordd, rhwng 5 a 7 o’r gloch, gan roi cyfle i bobl leol fynegi pryderon, holi cwestiynau a rhannu eu barn am blismona a diogelwch cymunedol.
Mae’r digwyddiad yn rhan o ymrwymiad parhaus y Comisiynydd i wrando ar y cyhoedd a sicrhau bod lleisiau lleol yn cael eu clywed wrth lunio blaenoriaethau plismona yn ardal Dyfed-Powys.
Caiff preswylwyr archebu slot 30 munud drwy anfon e-bost at:
📧 opcc.communication@dyfed-powys.police.uk
neu drwy sganio’r cod QR ar ddeunyddiau hyrwyddo.
Mae archebu’n gyflym a hawdd, ac mae croeso i bawb.
Gwybodaeth bellach:
Article Date: 01/06/2025