Mae Comisiynydd yr Heddlu a Throseddu (CHTh) yn swyddog etholedig sy'n gyfrifol am sicrhau ardal blismona effeithiol ac effeithlon, ac am sicrhau bod yr heddlu lleol yn diwallu anghenion y gymuned.
Mae CHTh yn gyfrifol am:
- Osod y blaenoriaethau ar gyfer Heddlu Dyfed-Powys;
- Cyhoeddi’r Cynllun Heddlu a Throseddu;
- Ymgysylltu â chymunedau a chynrychioli llais y cyhoedd ar faterion plismona;
- Gweithio’n agos â phartneriaid diogelwch cymunedol a chyfiawnder troseddol;
- Cefnogi dioddefwyr a dwyn pobl i gyfiawnder
- Comisiynu gwasanaethau i wneud cymunedau’n fwy diogel a chefnogi’r rhai sy’n agored i niwed;
- Penodi’r Prif Gwnstabl, a’i ddiswyddo os oes angen;
- Ymdrin â chwynion a materion disgyblu yn erbyn y Prif Gwnstabl
- Dal y Prif Gwnstabl i gyfrif; a
- Gosod cyllideb flynyddol yr heddlu a’r lefel praesept;
Nid yw CHTh yn gyfrifol am:
- Leoli a chyflwyno gwasanaethau heddlu o ddydd i ddydd, sef “plismona gweithredol”; neu
- Ymchwilio i gwynion yn erbyn swyddogion heddlu islaw rheng y Prif Gwnstabl.
Y cyflog blynyddol presennol ar gyfer CHTh Dyfed Powys yw £68,202 ac mae'n ymodol ar adolygiad cyfnodol.
Mae rhagor o wybodaeth am rôl a chyfrifoldebau Comisiynydd Heddlu a Throseddu ar gael ar wefan y Swyddfa Gartref a wefan yr APCC.
