24 Ebr 2023
Ym mis Ebrill 2023, mae Swyddfa Comisiynydd yr Heddlu a Throseddu, mewn partneriaeth â Heddlu Dyfed-Powys wedi lansio arolwg cyhoeddus, yn gofyn i’r cyhoedd ddweud eu dweud ar yr opsiynau sydd ar gael i ddioddefwyr troseddau lefel isel ac ymddygiad gwrthgymdeithasol.
Mae Datrysiad Cymunedol yn canolbwyntio ar ddioddefwyr, gyda'r nod o roi mwy o lais i ddioddefwyr yn y modd y dylid ymdrin â throseddwyr.
Mae’r ddeddf yn canolbwyntio ar ddioddefwyr, gyda’r nod o roi mwy o lais i ddioddefwyr troseddau lefel isel ac ymddygiad gwrthgymdeithasol yn y modd y dylid ymdrin â throseddwyr a chynyddu hyder y cyhoedd mewn penderfyniadau y tu allan i’r llys.
Gan ddilyn llwybr Cyfiawnder Adferol, mae’r Datrysiad Cymunedol yn cynnig rhestr o sancsiynau priodol y gellir eu defnyddio gan yr heddlu a swyddogion ymchwilio awdurdodedig, weithiau ar y cyd â gwarediadau mwy ffurfiol eraill y tu allan i’r llys.
Mae sancsiynau o’r fath yn cynnwys atgyweirio difrod a achoswyd, cyfryngu – i gefnogi datrys anghydfodau, rhaglenni cymorth camddefnyddio sylweddau a dibyniaeth ar alcohol, ymddiheuriad llafar neu ysgrifenedig, cwrs addysgol, dargyfeiriol a/neu reoli dicter, yn ogystal â chamau gweithredu eraill.
Bydd addasrwydd yr opsiynau yn dibynnu ar natur y drosedd, oedran y troseddwr ac amgylchiadau'r sefyllfa. Mae Datrysiad Cymunedol yn cael ei ddefnyddio amlaf gyda throseddwyr lefel isel am y tro cyntaf.
Dywedodd y Comisiynydd Heddlu a Throseddu Dafydd Llywelyn: “Fel eich Comisiynydd Heddlu a Throseddu, rwyf wedi ymrwymo i sicrhau gwasanaethau adferol sy’n briodol i’w hoedran, yn gynaliadwy ac yn ystyrlon yma yn Nyfed-Powys, gan gadw mewn cof anghenion y rhai sy’n gysylltiedig. Mae hyn yn cynnwys arferion adferol mewn addysg; lleoliadau teuluol a chymunedol a ddefnyddir ar gyfer mesurau ataliol a chymorth parhaus; a gwarediadau y tu allan i'r llys i ddargyfeirio oedolion ifanc o'r system cyfiawnder troseddol.
“Mae cefnogi dioddefwyr trosedd i wella a symud ymlaen yn rhan allweddol o rôl Comisiynydd Heddlu a Throseddu, ac mae sicrhau bod cyfiawnder adferol, fel y rhwymedi cymunedol, ar gael yn un o’r ffyrdd gorau o wneud hynny.
“Rwy’n annog y cyhoedd i ddweud eu dweud ar yr opsiynau sydd ar gael yma yn Nyfed-Powys drwy gwblhau’r arolwg byr hwn.”
Mae'r arolwg ar agor tan 19 Mai, a gellir ei gyrchu trwy'r ddolen ganlynol;
https://www.surveymonkey.co.uk/r/DY25NKG
Neu drwy sganio'r cod QR canlynol;
DIWEDD
Rhagor o fanylion:
Gruff Ifan
Pennaeth Cyfathrebu ac Ymgysylltu
