Rhwymedi Cymunedol
Beth yw hyn?
- Rhestr o gamau gweithredu y gall rhywun sydd wedi ymddwyn yn wrthgymdeithasol neu gyflawni tramgwydd troseddol lefel is eu cyflawni.
- Mae angen i’r unigolyn gyfaddef ei fod yn gyfrifol.
- Dylai’r rhestr o gamau gweithredu geisio unioni’r hyn a wnaed o’i le neu helpu’r unigolyn i feddwl am yr ymddygiad a gwneud dewisiadau gwell.
- Mae’n golygu na fydd yr unigolyn yn mynd i’r llys am y trosedd hwn.
Sut mae hyn wedi newid?
Yn 2023, mae Swyddfa Comisiynydd yr Heddlu a Throseddu wedi:
- Ymgysylltu â’r cyhoedd, cynrychiolwyr cymunedol a Heddlu Dyfed-Powys.
- Edrych ar yr holl ymatebion.
- Ysgrifennu’r rhestr o ddewisiadau Rhwymedi Cymunedol.
- Cytuno ar y rhestr o ddewisiadau gyda’r Prif Gwnstabl.
Beth yw’r dewisiadau ar gyfer Dyfed-Powys?
Noder: Ceir manylion llawn am y dewisiadau isod ac am sut y gellir eu defnyddio yn yr Adroddiad Rhwymedi Cymunedol.
- Iawndal am y difrod
- Rhaglenni Cymorth Dibyniaeth ar Alcohol / Camddefnyddio Sylweddau
- Cyrsiau Addysgol, Dargyfeiriol a / neu Reoli Dicter
- Gweithgaredd Dargyfeirio Cam-drin Domestig
- Cyflafareddu
- Ymddiheuriad llafar neu ysgrifenedig
- Llofnodi Cytundeb Ymddygiad Derbyniol
Pryd y gellir ei ddefnyddio?
- Pan mae unigolyn yn cyfaddef i’w ymddygiad neu drosedd lefel is; a
- Phan mae rhywun yn cytuno i dderbyn datrysiad cymunedol neu rybudd amodol (a elwir hefyd yn warediad y tu allan i’r llys).
Pwy yw’r dioddefydd?
- Yr unigolyn sydd wedi’i effeithio gan yr ymddygiad gwrthgymdeithasol neu dramgwydd troseddol lefel is yw’r dioddefydd.
Pwy yw’r troseddwr?
- Y troseddwr yw’r unigolyn sydd wedi ymddwyn yn wrthgymdeithasol neu gyflawni tramgwydd troseddol lefel is.
Beth yw Datrysiad Cymunedol?
- Cytundeb yw hwn rhwng y dioddefydd a’r troseddwr.
- Ni fydd yr unigolyn yn mynd i’r llys ar gyfer y cytundeb hwn.
- Rhaid i’r heddlu weld bod y troseddwr yn wirioneddol flin am ei weithredoedd ac yn credu ei fod eisiau newid ei ymddygiad.
- Ni all yr heddlu orfodi’r cytundeb.
Beth yw Rhybudd Amodol?
- Rhybudd ffurfiol yw eich bod chi wedi gwneud rhywbeth o’i le yw’r rhybudd hwn.
- Bydd gan rybudd amodol un neu fwy o gamau gweithredu y mae’n rhaid i’r unigolyn eu cyflawni.
- Os na fydd unigolyn yn gwneud yr hyn y mae wedi dweud y bydd yn ei wneud, mae’n bosibl y bydd yn cael ei gymryd i’r llys.
Sut ydw i’n holi amdano?
- Cyn penderfynu pa gamau gweithredu y mae’n rhaid i’r unigolyn eu bodloni, dylai’r un sy’n gwneud y penderfyniad terfynol (yr heddlu fel arfer) ofyn i’r dioddefydd am ei farn.
- Os oes mwy nag un dioddefydd ac mae ganddynt farn wahanol, dylid ystyried yr holl safbwyntiau cyn gwneud y penderfyniad terfynol.
